الخدمة | مرحلة الخيال الحر والطفولة المتوسطة

 الصورة الذاتية - الجهاز النفسي

زي ما عندنا جسم مكوناته عين ورجل ورأس عندنا كمان جزء مش عارفينه هو النفس ( الجهاز النفسي )

مثال :-

اب ادي ابنه عربية غالية جدا وهو ميعرفش يسوق وبيعمل حاجات كتير مش مفهومة ويقوله استخدمها صح ، يقوله معرفش ، طيب اتعلم السواقة ، يتعلم ويمشي براحة خالص خايف الموتور يتحرك ومنزل الزجاج ، طيب اقفل الزجاج علشان فيها تكييف ، هي فيها

تكييف معرفش

- هي المشكلة فيا انا ولا في العربية .

- المشكلة أن مكشفناش او محدش قالي انك عندك جهاز اسمه الجهاز النفسي استخدمه استخدام جيد او سيبه وبهدله

• أول حاجة عايزين نعرفها في الجهاز ده مكوناته يا تري يكون ايه:-

مكونات الجهاز النفسي

1- الغرائز

- دي شئ مهم جدا مفيش کسوف منه .

- هي المنظومة الدقيقة التي وضعها الله لتنظيم عمل الكون .

- مثل غريزة الصراع من أجل البقاء .

» كنت قاعد وبذاكر فكنت عطشان وعايز اشرب : بقولك ايه استني لما اخلص الدرس : لا مش قادر ، لقيت حاجة بتخبط انت يا بني ادم عايزين مياه فذهبت ناحية الثلاجة واخذت زجاجة مياه وشربت ، فبهذا فعلت سلوك معين وشربت ، لو انا معنديش الغريزة دي هو انا كان المفروض اكل واشرب اصل مفيش حاجة حركتني او دفعتني علشان اكل فنسيت ، ينفع الكلام ده طيب ، كان هيحصل ايه للجسم من غير نوم واكل ومياه ، الجسم هيدمر ، فربنا يروح حاطط الغرائز ديه لحماية الانسان لأجل البقاء - الغرائز موجودة لحمايتي

- فيه كمان غريزة الامومة وغريزة الميل الطبيعي ( الذكر للانثي او الانثي للذكر )

- الغرائز بتشترك فيها مع الكائنات الاخري فبروح ربنا يميز الإنسان بالكينونة ( مركز العقل ) طريقة التفكير بتختلف من واحد لاخر فعلشان كدا بني الانسان كائن حي عاقل حر مرید

- علشان كدا اللي بيعمل معاكسات للبنات هو لسة مع باقي الكائنات ولسة معندوش کنترول على الحتة ديه ( الذات ) .

- الصراع من اجل البقاء نلاقيها في الخادم عايز يبقي هو الأوحد هو الموجود ، انا مش اي حد تاني ، يبقي هو لسة في حته الغرائز معندوش عقل يتحكم فيها .

- ( الذات ) العقل هي اللي بتضبط الغرائز اللي بينفذها الجسد .

- بعد كده نلاقي حد عمل حاجة غلط أو سرق مشاعر بنت - بوظ حاجة لحد ، غلط في اي حاجة ، يجي بقي بعد ما يروح فيه حاجة جواه تعمل تيت تيت انا عملت حاجة غلط ، انت عملت حاجة غلط زي اللمبه لما تنور في العربية لما البنزين يخلص دی حاجة اسمها الضمير .

- كنت كتير بتسمع عن حاجة اسمها الضمير ومش عارف هي موجودة فين لكن دلوقتي عرفت انها من مكونات الجهاز النفسي وموجودة في اول المثلث

- الضمير :- هو الميثاق الأخلاقي للانسان .

- اول ما اتولد يكون نقي جدا طاهر جدا صفحة بيضة .

زي مثال الموبايل :-

موبایل غالي جدا يبقي مهتم بيه خالص وحطيته علي السرير ونمت على الأرض ، في الاخر بديت تستخدم الموبايل وكان بيعمل تصرفات وسلوكيات حلوة جدا البطارية بتقعد فترة كبيرة وبعد شوية سمعت ترنيمة عند حد اخذتها ووعظة وابتديت اخذ واستخدم الموبايل كتير شهر اثنين ثلاثة لقيت ان التليفون بيطفي بسرعة وصوته بيضيع ... فيه حاجة غلط فيقول ايه المشكلة ...  بتقولي دخلته فيروسات

- اول ما طلعت من جرن المعمودية كنت نقي ونظيف كنت بنام علي السرير وهما بيناموا علي الارض كانوا بيجبولي احسن لبس كنت رائع فكان سلوكي حلوا جدا ولكن اول ما فتحت البلوتوث وسمعت حد بيشتم حد وصوت عالي وخناقات وفيروسات دخلتلي ، انت فاشل وضعيف انت متعرفش حاجه .... دخلت الفيروسات دي وشكلت فيا وبهدلت فيا وخلتني اعمل سلوكيات غريبة .

- لو انت حافظت علي جهازك طبيعي جدا هيكون سلوكه حلو جدا زي الأيه " فيروا اعمالكم الحسنة فيمجدوا اباكم الذي في السموات " علشان كدا احنا النهاردة هنرکز علي النقطة دي بس .

• ما هي صورتك عن نفسك ( انا شايف نفسي ازای )

- نوزع مرايا واقول ايه رايك في البني ادم دا .... غمض عينك وشوف نفسك في المرايا دي ..... ايه رايك فيه .... بتحبه ولا لا .... ايه راي الناس فيه .... تحب يتغير ولا لا ... اللي احنا شفناه في المرايا هو صورتي عن ذاتي .

- يا تري مين اللي بيتحكم في المثلث في شخصيتي ... الغرائز ولا العقل ولا الضمير ... متصالحين مع بعض ولا فيه خناقة ... يعني انا عندي ايجابيات وعندي سلبيات ولا عندي ايجابيات بس أو عندي سلبيات بس ولا انا مش فاهم .

- لازم افهم اني لما اتخلقت كنت علي صورة ربنا وهو قل كده خلق الله الانسان علي صورته و علي مثاله يعني كان المفروض لما ابص علي المراية كنت هلاقي صورة المسيح فانا هاسعي علشان اوصل للصورة دي وافهم جهازي النفسي .

- انا مش جسد بينفذ غرائز انا ارقي من كدا بكتير جدا .

- اللي عرف الحقيقة هو الانبا انطونيوس لما قل :- " من عرف ذاته فقد عرف الله "

يعني ايه اكتشف ذاتی

- اكتشف مين انا ... كينونتي فين ... ايه القيم اللي موجودة جوايا وايه درجة قوتها وهل هي اللي بتتحكم في المثلث ( المنظومة ).

- يعني انت فاهم يعني ايه خدمة يعني ايه جواز هل درست و عرفت .

• فاكرين موقف المية :-

- احتياجي للميه خلاني فيه حاجة بتحرکني فقعدت تحركني لحد ما عملت حاجة اسمها سلوك

احتياج يولد دافع يؤدي الي سلوك

• علم النفس :- هو دراسة سلوك الإنسان

- في سلوك نابع من حاجة جوايا حاجة داخلية علي تصرفاتنا وحركاتنا نابعة من حاجة داخلية

- الراجل اللي بيزعق ده عنده احتياج انه عايز يحس برجولته وذاته

- البنت اللي لابسه قصير نابع من دافع عايزه تحس انها مقبولة ومرغوب فيها .

- الولد اللي يشرب سجاير وهو في اعدادي دا سلوك نابع من دافع عايز يحس برجولته

- في السلوكيات الخارجية نابعة من دوافع واحتياجات داخلية ...  فعايز تغير سلوك سدد الاحتياج .

- عايز تغير سلوك طفل لازم اسدد احتياج الأول .

- بولس الرسول قال تغيروا عن شكلكم بتجديد اذهانكم

" تعالوا نغير صورتنا عن نفسنا وسلوكنا يتغير "

- انت ليه مش بتذاكر ...  اصل انا فاشل .... طيب ما تيجي نصلح الفكرة دي فتتغير حياتك

امثلة من الكتاب المقدس

مفيبوشث 

  كان ابن يوناثان ... داود كان عايز يكرم اي حد من بيت صديقه

يوناثان فمكنش فيه غير مفيبوشث اللي كان عنده اعاقة فامر بانه يجلس مع داود علي مائدة الملك في الاكل كل يوم فلما سمع مفيبوشث قال جمله لخصت صورته عن نفسه

" من انا حتي ينظر الي سيدي فانا مجرد کلب میت "

»» الكتاب المقدس قال من الاف السنين ««

- " لانه كما شعر في نفسه هكذا هو " (امثال ۷:۲۳)

- لا نستطيع أن نعبد الله بنفوس مريضة " (مار اسحق السرياني )

 الصورة الذاتية

 بتتكون من 3 عناصر :-

1- المعلومات :- معلومات عن نفسي ... اسمي - وظيفتي - بلدي .

2- افتراضات :- الافتراضات عن نفسي طويل - قصير - ذكي - محبوب - مكروه - شخصيتي ضعيفة .

وهبته

3- مشاعر :- هو انا محبوب ولا مكروه من الناس ، مثلا لما اقابل حد ازيك واسبيه وامشي ... يبقي كدا مش محبوب ... شاعر بیأس واحباط ولا فرح وحماس .

قصة عن الصورة الذاتية 

خُلع الملك لويس السادس عشر عن عرشه وتم سجنه وهؤلاء الذين خلعوه اخذوا ابنه الصغير ( الأمير ) لانهم فكروا انه نظرا لأن ابن الملك كان هو وريث العرش فاذا امكنهم أن يدمروه اخلاقيا فانه لن يدرك أبدا المصير العظيم الذي قدرته له الحياة ووهبته اياه ، لقد اخذوه الي مجتمع بعيد وهناك اخضعوا كل شئ فاحش ... عرضوا عليه اطعمة غنيه لكي يتحول الي عبد لشهيته واستخدموا لغة پذينه علي سامعه وعرضوه لبنات كثيرة ... لقد كان محاطا لمدة 24 ساعة بكل ما يُهبط بروح الإنسان الي اسفل لمدة 6 شهور ولكن هذا الغلام لم ينحني ولو لمرة واحدة لهذه الضغوط واخيرا وبعد إغراء

مكثف استجوبوه لماذا لم تخضع نفسه لهذه الأمور ، لماذا لم يستسلم لتلك الأمور التي كانت تمنحه المتعة وتشبع شهواته وكلها أمور مرغوبه فيها وكانت كلها ملكه وقال الصبي :

" لا يمكنني أن افعل ما تطلبونه لأنني ولدت لكي أصبح ملكا "

الالحان

• ماري باتيهو خونت إمبيك إمثو إبشويس : ما كاتي ني كاطا بيك ساجي : ذوكساسي فيلان إثروبي

• فلتدن وسيلتي قدامك يارب كقولك فهمني : المجد لك يا محب البشر

القبطي