الخدمة | العمل الفردي
❖ العمل الفردي هو اساس الخدمه. وهو الاهتمام بكل احد. كل واحد مننا محتاج للعمل الفردي.
❖الله بيعمل مع كل واحد فينا عمل فردي وبيهتم بكل واحد فينا لاننا محور اهتمامه وموضوع حبه. احنا كبشر كل واحد مننا موضوع حب الله .بيقولنا انت ثمنك دمي.
❖ خدمة النفوس هي عمل الله لا نضيع نعمة الله .
❖ وربنا بيشتغل مع كل واحد فينا بيطلع من الجافي حلاوة .
❖ العمل الفردي ان المخدوم يقعد مع المسيح اللي فيك .
من غير المسيح يبقي المخدوم قعد مع الخادم الفلاني"
المسيح اول واحد عمل عمل فردي :-
1- عمل عمل فردي مع السامرية . مثال السامريه مثال واضح للعمل الفردي ازاي المسيح شجعها وستر عليها وازاي سمعها وكان اطول حوار في الكتاب المقدس. والمسيح اداها ثقه ومشي في عز الحر ومشي مسافه طويله وشوف ازاي تعب علشان يوصلها وهي نفس واحده وهذه النفس الواحده تمنها دم المسيح.
2- عمل عمل فردي مع مريم ومرثا وراعي نفسيه كل واحده منهم.
3- عمل عمل فردي مع سمعان الفريسي راح عنده في البيت مع انه عارف انه داين .
4- المسيح عمل عمل فردي مع اندراوس ويوحنا ونيقوديموس وذكا والمراه الخاطئه وشاول الطرسوسي ومريم المجدليه والمفلوج واللص اليمين.
القديس بولس الرسول
عمل عمل فردي مع تيموثاوس وتيطس وفليمون.
القديس بطرس الرسول
عمل عمل فردي مع كرنيليوس
القديس فيلبس
عمل عمل فردي مع الخصي الحبشي
القديس مارمرقس
عمل عمل فردي مع انيانيوس
السيد المسيح ذكر امثله عن العمل الفردي ( مثل الدرهم المفقود ومثل الخروف الضال ومثل الابن الضال )
مستويات العمل الفردي :-
1- مستوي محبه الخادم للمخدوم :-
وده دوري فيه انا كخادم اعرف كل واحد باسمه وحياته وظروفه ومستواه الاجتماعي والدراسي وبيصلي ولا لا - المخدوم يحس في القعدة معاه بالمحبة ده اول مستوي.
2- مستوي محبه الاب لابنه :-
- الخادم الاب اللي حاسس باولاده عارف ايه اللي يبسطهم وايه اللي يتعبهم. مشاعر الخادم الاب ميقدرش يكون في مكان اولاده مش فيه واي مكان يكون فيه يكونوا معاه ( مثال التسبحة - القداس - صلوات الكنيسة....... )
- عارف احتياجاتهم ( اعرف خاصتي وخاصتي تعرفني) اقدم للمخدوم منتهي المحبه في كل لقاء او قعده معاه. المخدوم يقول ان الخادم فلان قريب مني. اشاركه في كل اللي بيحبه اعرف اهتماماته . انت كخادم تمثل شخص السيد المسيح اللي هو ملك السلام. مينفعش تقول انا مش هادخل بيت المخدوم الفلاني لان في عداوه او خصام او مشكله مع احد قرايبي. انت كخادم مينفعش يكون ليك خصام مع اي احد. العمل الفردي مع كل الناس.
3- مستوي محبه اب الاعتراف لابنه :-
اب الاعتراف هو الاب والملجأ والصدر الحنين وهو الفم المرشد وهو اللي بيحس بيك ويحنو ويعطف عليك.
بالعمل الفردي تبني الكنيسه وبالابوه والتلمذه.
بركات الخدمه الفرديه :-
1- بالعمل الفردي مع ذكا خدم البيت كله.
2- بالعمل الفردي مع اندراوس جاب بطرس اللي وعظ عظه ربح بيها 3 الاف نفس.
3- بالعمل الفردي مع مارمرقس . القديس مارمرقس ربح مصر كلها.
4- بالعمل الفردي مع المجدليه بقيت اول مبشره بالقيامه .
5- بالعمل الفردي تفرح الكنيسه والخادم والمخدوم.
الالحان
• افنوتي بانوتي ايجو : بيتين ريف سوتي ايكتون اجو : سيدراك ميصاك ابديناغو : هوس ايروف اري هوؤ تشاسف
• الله الهي انا هو مخلصكم من الخطر يا سدراك وميساك وابدناغو : سبحوه وزيدوه علوا
• كوليم خين اونيشتي ان اشرويس : اوني ايت ايرسيفيستي ام ابتشويس: نيم ني فيسيس تيرو ايطاف ايس : هوس ايروف اري هوؤ تشاسف
• اسرعوا بحرص عظيم يا اتقياء الرب وكل الطبائع التي صنعها : سبحوه وزيدوه علوا