من انا ؟
1️⃣ الهدف من وجود الانسان المسيحي
لازم تبقي فاهم انك مش موجود في هذه الحياه صدفه او كده وخلاص لا انت موجود في الحياه بهدف وقصد . انت ابن الملك وانتي بنت الملك .
ابن الملك ده بيبقي مميز ومختلف .
مينفعش ابن الملك ده يتصرف زيه زي اي حد .
لازم تبقي عارف انك مميز ومختلف ومدفوع فيك دم غالي وثمين . مينفعش تتصرف زي اولاد العالم .
انت مهم انت اهم شي علي هذا الكوكب .الانسان ده اهم شي عند الله .زي ما انت مهم عليك مسئوليه كبيره .
انت امير مينفعش تعك و انتي اميره مينفعش تعكي
2️⃣ الرضي عن النفس
لازم تكون راضي عن نفسك وبتحب نفسك من اغلب الحاجات للي بتحاربنا في سننا ده هو شعور عدم الرضي عن النفس .
الخطوه الاولي اللي قبل ما تحب اللي حواليك وغيرك تحب نفسك .
لازم تبقي فاهم وحاطط في ذهنك ان كل شخص فيه مميزات وسلبيات ومفيش شخص كله سلبيات يبقي ربنا ظالم حاشا . ولا شخص كله مميزات .
3️⃣ ايه المطلوب مني في السن ده
ماشغلش نفسي غير ب3 حاجات
وظيفتي في الحياه ان اهتم ب
🔴 الكنيسه
🔴 المذاكره
🔴 الرياضه
️4️⃣ احيانا كتير بابقي عارف الصح بس مش قادر اعمله
الحل اني اعمل اللي انا مقتنع بيه من خلال اربع محطات
🔴 الشبع لو مشبعتش بالمسيح هتفضل طول العمر جعان وبتدور علي الاكل البائد ( النفس الشبعانه تدوس العسل ).
الشبع ب
☆ ربنا اعيش بعلاقه كويسه بربنا كل اما اشبع بربنا كل ما كل حاجه تصغر في عينك.
☆ البيت اصاحب بابا وماما
☆ وباصدقاء كويسين وايجابيين نحكي في امور ايجابيه
☆ وبالخدمه اي عمل خير .
🔴 الاراده طول ما انت ارادتك ضعيفه مش هتقدر تعمل للي مقتنع بيه ولا للي نفسك فيه لازم الاراده تبقي قويه جداااا.
🔴 العمل والتعب :- علشان توصل لازم تتعب
🔴 الصبر :- مشكلتنا اننا بنبدا بس مش بنكمل علشان معندناش صبر . ديه زرعه انت بترمي البذره وتسقيها وتستني بقا لحد ما تكبر .
5️⃣ عاوز احافظ علي المستوي للي وصلتله واستمر
🔴 الهدف قدام عيني دايما الهدف من الحياه والخدمه ملكوت السماوات . كل اما تضعف تفتكر الهدف .
🔴 لازم اشتغل واتعب واعمل .
🔴 تحط لنفسك دايما حافز مستمر .
6️⃣ لما اقع بقا والدنيا تسود في عنيا اقوم ازاي
🔴 مراجعه النفس دايما اشوف الاسباب اللي خلتني اقع
مين يساعدنا في معرفه الاسباب
+ الاسره
+ صديق يخاف عليا
+ المرشد الروحي
🔴حلول عمليه ممكنه حسب الظروف المتاحه وبلاش تحط حلول خياليه (الاهم ثم المهم )
🔴اخد خطوه ( المبادره )
🔴 الاستمراريه بلاش تكون قرارتك انفعاليه
الالحان
▪︎ ثوؤتي تينو كاطا شين تيرو : ساجي نيم ني إبريسفي تيرو إزمو إي إبشويس نيف إهفيؤيي تيرو : هوس إيروف آري هوؤ تشاسف
▪︎ اجتمعوا وثابروا جميعا تكلموا مع القسوس وسبحي الرب يا جمع أعماله : سبحوه وزيدوه علواً